संस्थेच्या सेवा खर्चाची विभागणी

संस्थेच्या सेवा खर्चाची विभागणी 66. उपविधी क्र. 65 (7) मध्ये निर्देशिलेल्या संस्थेच्या सेवा-खर्चात पुढील बाबींचा समावेश असेल :- अ) कार्यालयीन कर्मचारी, उद्वाहक (लिफ्टवाला), पहारेकरी, माळी, तसेच इतर अन्य कर्मचारी यांचे वेतन ब) संस्थेस स्वतंत्र कार्यालय अथवा इमारत असल्यास, त्याबाबतचा मालमत्ता कर, वीज खर्च, पाणीपट्टी इ. ; क) छपाई, लेखासामग्री व टपाल खर्च ; ड) संस्थेचे कर्मचारी व समितीतील सदस्य यांचा प्रवास भत्ता व वाहन खर्च ; ई) संस्थेच्या समिती सदस्यांना द्यावयाचे बैठक भत्ते ; फ) महाराष्ट्र राज्य सहकारी संघ मर्यादित कलम 24 अ "शिक्षण निधी" पोटी द्यावयाची वर्गणी ; ग) गृहनिर्माण संस्था महासंघ (हौसिंग फेडरेशन) व जिच्याशी संस्था संलग्न आहे अशी अन्य कोणतीही सहकारी संस्था यांची वार्षिक वर्गणी ; ह) गृहनिर्माण संस्था महासंघ व अन्य कोणतीही सहकारी संस्था यांच्याशी संलग्न होण्याकरीता द्यावयाची प्रवेश फी ; आय)अंतर्गत लेखापरीक्षा फी, सांविधिक लेखापरीक्षा फी, व पुनर्लेखापरीक्षा फी, कोणतीही असल्यास ; ज) सर्वसाधारण सभेच्या तसेच समितीच्या व एखादी उपसमिती असल्यास तिच्या सभांच्या वेळी झालेला खर्च ; के) प्रतिधारण शुल्क, कोर्टकचेरी, कायदेशीर चौकशी या बाबींवरील खर्च ; ळ) सामाईक वीज खर्च ; म) सर्वसदस्य मंडळाने सर्वसाधारण सभेत मान्य केलेल्या इतर खर्चाच्या बाबी. तथापि , असा खर्च संस्था; अधिनियम, नियम उपविधी आणि संस्थेचे पोटनियम यांच्या विरोधाभासात राहणार नाहीत;