संस्थेच्या भांडवलातील/मालमत्तेतील मृत सदस्याचे भाग व हितसंबंध यांची किंमत वारसदारास अगर कायदेशीर प्रतिनिधीस अद करणे

संस्थेच्या भांडवलातील / मालमत्तेतील मयत सदस्याचे भाग व हितसंबंध यांची किंमत वारसदारास अगर कायदेशीर प्रतिनिधीस अदा करणे. 37) जर समितीच्या मते, मयत सदस्याचा फक्त एकच वारसदार / कायदेशीर प्रतिनिधी असेल व तो संस्थेच्या भांडवलातील / मालमत्तेतील मयत सदस्याचे भाग व हितसंबंध यांच्या किंमतीची मागणी करीत असेल तर संस्था सदर भाग व हितसंबंध स्वत: संपादन करु शकेल व उपविधी क्र. 35 मध्ये निर्देशित केल्याप्रमाणे हानिरक्षण बंधपत्र लिहून घेऊन , उपविधी क्र. 63 अन्वये तदतूद केल्याप्रमाणे त्यांची येणारी किंमत अदा करु शकेल. जर समितीच्या मते, एकापेक्षा अधिक वारसदार वा कायदेशीर प्रतिनिधी असतील व ते संस्थेच्या भांडवलातील / मालमत्तेतील मयत सदस्याचे भाग व हितसंबंध यांची किंमत मागत असतील तर संस्था सदर भाग व हितसंबंध संपादन करु शकेल व उपविधी क्र. 35 मध्ये निर्देशित केल्याप्रमाणे सर्व वारसदारांकडून / कायदेशीर प्रतिनिधींकडून हानिरक्षण बंधपत्र लिहून घेऊन उपविधी क्र. 64 अन्वये तरतूद केल्याप्रमाणे किंमत समप्रमाणात विभागून देऊ शकेल.