समितीवर निवडून येण्याबाबतची अपात्रता

समितीवर निवडून येण्याबाबतची अपात्रता 117. समिती सदस्य म्हणून निवडून येण्यास अथवा तिचे स्वीकृत सदस्य होण्यास कोणतीही व्यक्ती जर (अ) ती नैतिक अध:पतनाच्या अपराधाबाबत सिध्दापराधी ठरली असेल तर सिध्दापराधी (conviction) ठरल्यापासून 6 वर्षांचा कालावधी उलटल्याशिवाय; (ब) तिला संस्थेस देय असलेल्या रकमांबाबतची मागणी करणारी, नोंदणीकृत डाकेने अथवा हातबटवडयाने पाठविलेली नोटीस मिळाल्यापासून तिने तीन महिन्यांचा कालावधीमध्ये संस्थेची देय असलेली रक्कम भरण्यास कसूर केली असेल; (क) तिला अधिनियमातील कलम 79 किंवा 88 किंवा 147 अन्वये जबाबदार धरण्यांत आले असेल तर किंवा अधिनियमातील कलम 85 अन्वये चौकशीचा खर्च देण्यासाठी तिला जबाबदार धरण्यांत आले असेल; (ड) सहयोगी सदस्यांच्या बाबतीत, त्याने मूळ सदस्याचे उपविधीअन्वये विहित केल्याप्रमाणे ना हरकत प्रमाणपत्र आणि हमीपत्र, सादर केले नसेल तर; (ई) तो क्रियाशील सदस्य नसेल तर; (फ) त्याने आपली सदनिका किंवा तिचा कोणताही भाग संस्थेच्या पूर्व लेखी परवानगीशिवाय पोटभाडयाने, लिव्ह अँड लायसन्स (परवाना नि संमती ) पध्दतीने किंवा काळजीवाहू पध्दतीने दिला असेल किंवा आपला ताबा सोडला असेल किंवा संस्थेतील आपले भागभांडवल आणि हितसंबंध विकले असतील तर पात्र ठरणार नाही.