संस्थेच्या उपविधीतील तरतुदींच्या भंग बद्दल दंड

संस्थेच्या उपविधीतील तरतुदींच्या भंगाबद्दल दंड. 165. अ) संस्थेच्या उपविधींच्या निरनिराळया भंगांसाठी संस्थेची सर्वसाधारण सभा दंडाची रक्कम ठरवील. सदस्याने उपविधीच्या / उपविधींच्या कोणत्या क्रमांकाचा/ क्रमांकांचा भंग केला आहे, हे, संस्थेचा सचिव समितीच्या सूचनेवरुन सदस्याच्या निदर्शनास आणून देईल. त्या सदस्याने उपविधीचा / उपविधींचा भंग करण्याचे चालूच ठेवले तर, उपविधी / उपविधींचा भंग केल्याबद्दल दंड का ठोठावण्यात येऊ नये' याबद्दल सदस्यास कारणे दाखवा नोटीस बजावील. त्या संस्थेची सर्वसाधारण सभा त्या सदस्यास त्याचे म्हणणे मांडण्याची संधी देईल व ते ऐकून घेईल आणि त्यानंतर त्याला एका आर्थिक वर्षात जास्तीत जास्त एकत्रितपणे रु. 5000/- पेक्षा अधिक नाही, एवढया रकमेचा दंड आकारील. ब) अधिनियमात अन्यथा तरतूद केली असेल त्याव्यतिरिक्त वार्षिक सर्वसाधारण सभा / विशेष सर्वसाधारण सभा, सदस्यांच्या बेजबाबदार कृत्याबद्दल दंडाची शिक्षा देऊ शकतील. दंडाची रक्कम वाजवी असली पाहिजे आणि सर्व दोषी सदस्यांसाठी ती सारखी असली पाहिजे. वार्षिक सर्वसाधारण सभेत / विशेष सर्वसाधारण सभेत दंडाची रक्कम निश्चित करण्याचा अधिकार प्रदान करण्यात आला आहे. संस्थेची व्यवस्थापक समिती ही दंडाची रक्कम काळजीपूर्वक वसूल करेल.