समितीच्या सभेची नोटीस

समितीच्या सभेची नोटीस 132. संस्थेचा सचिव संस्थेच्या अध्यक्षाशी सल्लामसलत करुन समितीच्या प्रत्येक सभेची तीन पूर्ण दिवसांची नोटीस समितीच्या सर्व सदस्यांना पाठवील व तीत सभेची तारीख, वेळ, स्थळ व तीत करावयाच्या कामकाजाचा उल्लेख असेल. जर समितीच्या सभेची नोटीस व कार्यक्रम पत्रिका पाठविण्यांत संस्थेच्या सचिवाकडून कसूर झाल्यास संस्थेचा अध्यक्ष ती पाठवील. संस्थेचा सचिव व अध्यक्ष यांनी समितीच्या सभेची नोटीस व कार्यक्रम पत्रिका पाठविण्यांत कसूर केल्यास संस्था ज्या गृहनिर्माण महासंघाशी (फेडरेशनशी) संलग्न झालेली आहे असा महासंघ अशा प्रकारची सूचना व विनंती पत्रक मिळाल्यानंतर अशी सभा बोलावू शकेल.